雷曼兄弟

星展銀行已經公佈對雷曼兄弟迷你債券底押品評價,有30種產品不能夠獲得賠償,即係該類產品根本毫無價值。其餘產品只有少量有8.7%既回購價值,半數至全數及利息既賠償價值。
對於買雷曼迷債人士實在好壞參半,好運既會有全數及利息收番,冇咁好運就渣都冇....雷曼呢一件事起碼有銀行帶頭進行回購,社會上怨氣終於可以減少啦。
在我個人而言,我原全唔認同買迷債人士既態度,一句俗語已經可以講出佢地既心聲 "輸打贏要",呢種人係一個有正常道德社會中係不被可憐,佢地聲稱唔知情同相信銀行經紀既說話先至買雷曼,呢種人一黎冇腦二黎冇品,咁佢地仲值得我地可憐咩

可以休息一陣啦

T&D個presentation終於完左啦,捱左兩晚通宵係有成果既!!!!
為左配合主題,我地成組要去化妝扮小醜......個d唇高搞到我塊面有d敏感,點洗都係痕痕地,仲要帶埋頂小醜帽.....個頂小醜帽成班都問我地囉黎帶下影番張相
我都幾開心有d咁既情況架,成班都比我地感染左果個氣紛,不過個氣紛開頭係有少少恐怖,之後我地加入左搞笑既原素,幾work呀
我地今次最成功係attract到所有人attention,講真個句我地既編排真係幾好架,連irene都讚我地,今次仲唔要佢對我地另眼都看
其實仲有d相架....不過遲d先再post啦.....因為係人地影架

長隆之旅

上星期六日同老豆老母去左番禺旅行,兩日之間不斷係架旅遊巴度搖黎搖去.....好財我都訓得著未至於好辛苦,但因為個位唔係好o岩,搞到我訓矮頸,真係好唔舒服,下下落車都頭痛爆

成個旅程最好都算係去左長隆玩啦...晏晝就睇呢個動物園,夜晚就去睇大馬戲

因為太黑太遠既關係放棄左影馬戲,不過以上係最好睇既果一個"風火輪"

之後果d都係不斷去左果d生產場地比個d sales迫買野......好煩呀!!!!

最後真係fing足48小時,呢兩日既旅行就係呢個好夜,好累,好頭痛既星期日夜晚完成啦......

超hea的一天

第一堂係Bancro堂,不過今日唔駛上堂,week4係第一組開始presentation。一返到去就係一間好細既房度,搵個位坐下都冇呀,present個組一開始就up左一輪野,完全冇理佢地,之後就有第一個遊戲,就係玩呢個debate(其實並唔係debate係而係一場淨up points既遊戲),對方最後比我地同盟ko左,不過玩完之後真係好頭痛,因為係咁大聲咁"對話",第二個遊戲就已經冇心機玩啦....
上完Bancro堂就去左大快活食lunch,食完個蜜糖雞脾餐就上Irene堂,老實講佢上堂開頭真係幾有趣,而家就已經悶到嘔,好彩多左kathy佢地坐左係後面可以有得玩,唔係真係悶死呀!!!聽日唔駛返學但係就要返去聽FYP講座,仲要5點半至8點添呀,反都唔駛食呀!!!
而家著手training&development個遊戲,希望唔駛咁辛苦啦.......